Tanü nungi Mkg nung IEF general crusade akatsü

Mokokchung, Feb 1 (TYO): 2016 International Evangelical Fellowship general crusade ta ser asentenshi sentong tuluka “The Harvest” omen nung ajemdaker Feb 2 nungi 4 tashi Mokokchung Town Hall nung ayongzüka aliba IEF osang ka ajanga metetdaktsüogo.

Iba sentong nung Mokokchung Town Baptist Arogo (MTBA) pastor Rev. Ponen Longchar, Esther Missionary, Achet Pongen Missionary aser IEF Secretary Chujang Aier nungertemi Tsüngrem osang abentsü. Iba sentong nung taneptsüba mapang balaka alitsü aser Discipleship Bible College Choir-temi sentep ajak nung ken ajanga Tsüngrem osang abentsü ta kasa osang nungsa shisem.

Iba sentong asoshi ajaki sarasadema ataba den tejangrartem ajak arua temoatsü agitsü asoshi IEF osang ajangasa ayongzük. Feb 2 Mongulbar nikongdang 4:00 ako nungi mezüng sentep akatsü.