Asenok jenokdak

Saka ni sensaker aser anünger: Aji saka Kibubai ni atema bilemtsür: Na kü teyari aser kümzükba; O kü Tsüngrem menua teli (T.Ken 40:17).
Nisung ka tsüngsütemji Kibuba nungi lir: Aser Pa lenmang nung Pai pelar. Pa alangaka langkoshishi melaotsü kechiyong Kibubai pei ket agi pa soter (T.Ken 37:23,24). Kibuba tsübuba nung temulung lemtsü tulu lir; aser Par chirnur jenokdak akatsü (A.Shin 14:27). Ni nenok süneptsübaji lir; süadoktsüba nisung aser nisung chir shiba ayi ama akümtsü lir, aji tsübua alitsüba na ya shiba? Kibuba na Teyanglusang shibai anüngtem songlatsü aser alima kimung azüngdaktsü, nai kechiba amadoker, aser rishikangshiri na samatsüdi asüdang Pa mit adokba nai maneni tsübua ali? Rishikangshir mit kong ali? (Isa. 51:13,14).
Parnok tetsübu: kechiyong na kümzüktsü Ni ne den lir, ta Kibubai ashir (Yer. 1:8). Tashi itang, tasü itang; tetsübu, aser parnok tsübua teli; kechiyong Kibuba ne Tsüngrem, ne den aosangji Pa lir, Pai na metoktsütsü, mesüra senzüka meyutsütsü (Tazüng. 31:6). Saka ni Ne tashi indang atentsü; Au, ne yimlibilem indang ni tashi agi ken atentsü; Kechiaser kü tuoshi mapang nung Na kü mitsa tulu, aser jenokdak liasü (T.Ken 59:16). Na kü tatsükokdak; nai Ni timtem nungi kümzüka ayur: Tekümzükba ken agi Nai ni meketbanger (T.Ken 32:7).
O Kibuba Tsüngrem, Nai ni teti Ne tekümzükba tashi kang kübok kümzüka ayuba asoshi Ne tenüng asanger. Amen.