Fiat-i Punto Pure gari sayaogo

February 05, 2016 : Brihostibarnü tan 2016 Auto Expo sentong nung Fiat Chrysler Automobiles (FCA) India-i Grande Punto tajungba küma yangluba Fiat Punto Pure sayaogo.

Iba gari tesülen aliba kishi zünga ajak agi kishi pongu keta lir aser Fiat Punto Pure ya tapu ana nung angutsü. Ka nung litre 1.3 multi-jet diesel engine keta lir aser iba gari nung 4000 RPM tashi nung tashi agütsübaji 76 PS lir.

Tanabubaji 1.2L petrol engine lir aser iba gari ajanga 68 PS tashi tashi agütsür.

1750 RPM tashi nung torque ajak agi 197 Nm agütsür aser 2500 rpm tashi nungbo ano torque 96 Nm agütsür.

Italy nung gari yangluba company ajanga ano Linea 125 tasenbatema sayuogo aser iba gari nung 1.4 L four-cylinder T-Jet engine keta lir koba ajanga tashi 125 horsepower agütsür.

Iba den külemi parnoki Avventura Urban Cross-a sayu koba nung 1.4 L T-Jet petrol engines keta lir aser tashi 140 BHP agütsür.

“Punto Pure gari ya kanga pelaseta sayar aser iba gari ya ajanga gari anirtem nem tajangshiba balaka agütsütsü. Iba den külemi Linea 125 gari ajangka gari anirtem jangratemdaktsüba dang masü saka tamshitsü kanga melar,” ta FCA India Tir, Kevin Flynn-i ashi.

Linea 125s aser Avventura Urban Cross garitem ya taküm küm tatemlen sayatsü.