National Deworming Day(NDD) amungtsü

Dimapur, February 5 (TYO) : February 10, 2016 nü Ministry of Health & Family Welfare, Government of India-i National Deworming Day (NDD) ayongzüka amungtsü.

Iba anogo nung tanur arishi küm 1nungi 19 tsüngda alir nem deworming mozü (Albendazole) angati agütsütsü aser nisung ajak ayimjemtsü atema Anganwadi centre aser School tem nung Anganwadi workers aser tesayurtemi mozütem agütsütsü, ta CMO Mokokchung-i sangdong ka nung metetdaktsü

National Deworming Day (NDD) nung mozü mangur nem February 15, 2016 nü agütsütsü. Anungji Mokokchung district kübok aliba tsürabur ajaki iba sentong nung shilem agidaktsünür ta, CMO Mokokchung-isa sangdong nung metetdaktsü.