Morgan Freeman Chaplin Award angutsü

February 5, 2016 : New York Film Festival ayonger telok, Lincoln Center, Film Society ajanga agütsüba, 43buba annual Chaplin Award Morgan Freeman nem agütsütsü tenüng jatetogo.
Chaplin award ya actor aser film yanglur tajungtem nem akhüm aser tetushi agütsüba sempet ka lir. Pai “Lean on Me,” “Driving Miss Daisy,” “The Shawshank Redemption,” “Seven” aser 2014 küm pa Academy Award anguba “Million Dollar Baby,” film tem nung kanga takok ngua shilem tajung agiba atema iba ward agütsürba lir.
Pa ya tang CBS series “Madam Secretary,” nung executive producer lir aser “Through the Wormhole With Morgan Freeman” sentong nunga ketdangser lir.
Freeman-i tanga award aika den Golden Globes Award, Cecil B. DeMille Award aser Kennedy Center Honor tema ngua lir.
Chaplin sentong ya Charlie Chaplin nem aküm aser tetushi agütsütsü atema 1972 küm FSLC-i tentetba lir aser iba mapang nungi sentong nüngja pa tenüng amshia arur.
Iba award ya Alfred Hitchcock, Billy Wilder, Martin Scorsese, Meryl Streep, Barbra Streisand aser yaküm Robert Redford nungeri agizüka lir.
2016 Chaplin Award sentong ya April 25 nü Lincoln Center, Manhattan nung akatsü.