Melizedek Yimsü ama pa aru. Ibri 7:11-17

– R.Temjen Imsong, Ex. Pastor.
Naga United Village, Dimapur.

1. Putir mapaji nebur temenen bener Tsüngrem dangi aosang, Ainkar ta süra osang sangdongba, ya Yihuda yimsü nung liasü.
Aji-saka Yihuda yimsü nung neburtem temenen shidoktsütsü makok.
Anungji Melkizedek yimsü ama Yihuda kidong nungi Alima temenen shidoktsütsü asoshi Yisu alimai aru.
Aser Salem-chuba Melkizedek shiba dang tematiba Tsüngrem putir ta ajar. Lipok 14:17-20.
Na taküm tepiyong putir asütsü, Melkizedek koma yamaji alitsü. T. Ken 110:4
Akhi putu Abraham jakdang Yirusalem ano makümdang iba linük nung (Jebus kin ya liasü) iba kin madak Chubaji Melkizedek liasü. Paji Chuba dang masü saka putir ka liasü, ano pa dang yimjung chuba ta-a aja. Ibri 7:1. Melkizedek tetezü, Temeshiba Chuba, Salem Chuba, Yimjung Chuba ta aja. Ibri 7:2. Ano pa dang Jebus Chuba Melkizedek ta ja-a liasü, Anungji Jebus-Salem nungi Yirusalem ta aja. Iba otsüren nungi Yirusalem dang yimjung yimti ta-a ajar. Kenü iba yimti nung Yisui küm 1000 yimsü asütsü, J. Adok 20:6. Kechiaser Yisu yimjung Chuba chir lir. Isaia 9:6-7 T. ken 122:6.
2. Melkizedek mapang Abraham Kanan lima nung pa yimsüsüba kübok alidang Abrahami Sodom lima nungi tongpang koker arudang, Melkizedeki temoatsü agütsü, aser Abrahami pa akaba ajak nungi Ter shilem agütsü. Lipok 14:18-20. Ibri 7:1-2. Iba anogo nungi nisungtemi Tsüngrem nem ter shilem agütsütsü tenzük.
3. Melkizedek taküm otsü:-
Pa ya tsürabur aser kin kidong otsü mali.
Kong nungi jakzük aser aru otsü mali.
Arishi anogo kodang aso aser asü, otsü mali.
Pa koda tenzük aser tembang taküm otsü mali. Saka paji Tsüngrem chir mesüka teti tatem maka putir lir. Ibri 7:3. Lai shisa rajemertemi ashiba agi pa ya kibuba Yisu jungkai adokba südi ta ashir. Melkizedek ama asen kümtetdakba Yisu Khrista Tsüngrem putir ka ama alimai aru. Salem chuba Melkizedek koda merena liasü, aser pa indang mebushiteter aji oda Tsüngrem indang asenoki bushitettsü makoker.
4. (Melkizedek taküm ama Yisu Khrista)
Pa tetenzük tatembang maka, pa lipokdang nungi liasü, Yoh 1:1. Anungji Yisu dang tatem maka putir yimjung chuba chir ta ajar. Yisui ashi, alima putu ajak süitema aotsü, saka pa yimli kodanga mesüitemtsü. Mark 13:31.
5. (Tejen lai putu putir aser parnok mapa:-)
Israel kidong 12 nungi Levi kidongji dang putir kidong liasü. Aji oda Abraham semchirtem Levi kidong ajanga Melkizedek nem tenla agüja aru, Melkizedek ya putir-len nungi aru masü, saka pa Nazenth nungi adok.
Nisungi shimba putirbo melentepa shimshia arur,
Putirtemi küm shia taküm agüja tarongba tenla tenla-a aru.
Putir dak alaka telungba tekülemdaki nütsüngbo aitsü makok liasü.
Putir majangi Tsüngrem den lungjema külemtsü mokoki liasü.
6. Melkizedek ama arusang putir mapa yamai inyak.
Shiruru tenla küm shia agütsütsü melena pa khenyongi teti asoshi tenla agütsü.
Nisungi shimba putirbo mapang shia melener, saka pa teti tatem maka putir.
Putir ka makangi (Yisu) ajanga Tsüngrem den lungjemtsü akok, Nisung rongnung temaba aser nütsüng telemsa makatsü asoshi Yisui pa taküm tenla agütsüba anogo nung Tenla-kidang taindang sü temalen nungi tetsünglen tashi ana küma shima. Mark 15:38.
Nisungi yangluba ozüng agi masü, Yisu taochi agi tamang ajanga tekümtet kishi lapoktsüogo. Aji osang rongnung osang tajungtiba Yisu asodang kotak tenyartemi bener arutsü. Luk 2″8,44.
Iba Melkizedek putir ama arusang kenü pa tepset saka shia-aru (aji Yisu) Pa yakta arur.