Ken mejema atener Dan Hicks arishi küm 74 nüng süogo

Los Angeles, February 7, 2016 : Ken mejemer aser ken tener Dan Hicks tekong aser temesen cancer agi küm ana tashi okronger, arishi küm 74 nung Mill Valley, California nung Honibarnü süogo.
Pai toktsür aoba kinüngtsüi pa asüba osang metetdakja liasü.
Pa ya folk, jazz aser country music meyoktepa atemba atema nüburtemi kanga jangja meteta aliba nisung ka liasü.
Pa ya Dan Hicks & Hot Licks acoustic band nung lenir liasü.
Pa ya tangar ama kanga nüngtugubo maküm saka musician aikati pa kanga junga meteta liasü.
Pa akümlidang kensep aika takok ngua adokba rongnung “Where’s The Money?,” “Striking It Rich” aser “Last Train To Hicksville” kenseptema dena lir.