Delhi nung GIG carnival ayonga akar

New Delhi, February 07 (Agencies): New Delhi nung anogo asemnü GIG Carnival kadar, aser iba benjung ya Hokolbarnü NITI Aayog CEO, Amitabh Kant-i lapokja liasü.
Gourmet Planet-i ayongzükba GIG Carnival ya Tourism Ministry indang Incredible India campaign dak sentakba sentong ka lir.
Iba benjung ayonger Sonny Walia-i, “Nenoki angubaji tejangraba ajanga inyaktetba lir. Iba nung ya nija tajangzük mali. Iba ya kümshia ayonga akatsüla. Iba ya teka mapa balala, music aser chiyungtsü balala ajungkettsü atema lir,” ta ashi.
Carnival nung anguba chiyungtsütem rongnung northeast India indang black rice, Amritsari tikki aser parantha, Lucknow nungi kabab, Rajasthani kachori aser Hyderabadi biryani densema lir.
Walia-isa, “Ni ya chiyungtsü meimer ka, anungji ni iba shilem ya tesapuba. Yangi aliba restaurant tenet ya state balala nungi lir,” ta ashi.
Carnival nungsa mutton nihari aser khamiri roti angur.
Sentong ayongertemisa teka mapa balala inyakertem ajungshia oset balala ayoker.
Carnival nungsa jazz, blues, Ska, electronic dance music, Hindi rock aser Sufi kentem nung kenten sentong 30 kadar.