Muslim tsür kati Barbie agi ‘Hijarbie’ yanglu

London, February 07 (Agencies): Nigeria tsür kati kanga nüngtugu tanur kazütsü Barbie ka nem lai sobuba ama ‘hijab’ naitsür tereprangtsü khenyongi balaka kümdaktsüogo.
Hijab ya Muslim tsüri tekolak aser teko nembanga naiba sü dang ajar.
Arishi küm 24 tain, Haneefah Adam-i yangluba ‘Hijarbie’ ya mezüng US nung ayoktsü aser March ita nungi UK nunga sen pound 9.99 agi ayoktsü.
Adam-i, “Ni Barbie ngur külen ni amai koma sür sobutsütsü,” ta bilema liasü.
“Ni UK nung master degree agiba mapang kü dangi iba tebilemba aiter ita asem tashi koma asütsü ta ni shisadanga liasü. Ni Nigeria-i or külen mall ka nung Barbie ka alia ni sobuba amai sobutsür ozüng kübok ayoktsü asoshi temelaba agi,” ta lai Style.Mic dang ashi.
Adam ya tang Hanie brand asoshi teinyakdak lir aser lai puratetba ‘Hijarbies’ tem instagram nung post asüba sülen followers 17,000 kümogo.
“Ni tang iba barbie nem sobutsüa aliba ya kü ket nung aliba sübotsüba lir. Ni süoshi kar mangaogo aser tang website ka teyangludak lir. Iba den külemi hijarbie yangluba maparena maneni tenzüka odar,” ta Adam-i Instagram post ka ajanga lemsatepogo aser iba post nung la ‘hijab’ ka nai’er tangokba noksa ka dena lir.