Sindh province, Pakistan mi lendong nung nisung 10 rongset

Karachi, February 7 (Agencies): Pakistan anüolentip tsütsü aliba Sindh province nung süki ka nung mi adoka tetsür aser tanur dena nisung 10 tashi rongsetogo, ta police-i ashi.
Iba mi lendong ya Thatta yimti kübok Keti Bandar tesem nung aliba süki ka nung anepdang adok aser iba miji anasa aliba ki tilala aika nung jangruloka ao, ta iba tesem nung aliba osangbenertemi ashi.
Tasür nisung ter rongnung tetsür asem aser tanur pezü densema lir aser karbo temang kanga mejungi rongsa-a yirur lir, ta police-i ashi.
Mi agi yirurtem ajak Karachi mozü kidang anir oa anepaludar.
Süki nung angopurtem amshiba petrol aser totzü tanga kar yua aliba nungi iba mi ya adok, ta mezüng bushisüngdangertemi nguteta lir.