32 Assam Rifles-i NNC(NA) tanishir ka apu

Dimapur, February 8 (TYO) : Naga Gaon Colony nung telungpurtem prangpong bener senzür ta osang tejangja ka angazükba sülen 32 Assam Rifles sepaitem den police telok ka tesem tonga ao.
February 3, 2016 anepdang 5:00 ako meta sepaitemi ki ka mita reprangdang prangpong-injang aser taitsü aketba kulikakettem aika angu aser iba dak sendakba nung NNC (NA) nung Deputy Kilonser ka apu.
Sepaitemi apuba nisungji Zutovi, Dimapur nung alir Kivika Awomi ta jangjaogo.
Pa den külemi pt 22 pistol ka den injangtem apuba ajak Sub Urban Police Station ket nung agütsüogo.