Ni kibong akümtsü osang metetdaktsütsü kü nem tokjang: Preity Zinta

Mumbai, February 9, 2016 : Preity Zinta kibong akümtsü olulu aika adokdar.
Tangari yanglur jembiba osang agi ni alaker, ta ashidang lai, ni kodang kibong akümtsüsa südir ni metetdaktsütsü anungji o aika mejembi-i ata liang, ta shisem.
Yaküm “Soldier” film nung shilem agila, Preity ya January ita nung tetong Gene Goodenough den kibong akümtsü ta olulu kanga sashi proka liasü. Ano taküma Valentine’s Day, February 14 nü la kibong akümtsü akok, ta olulu adoka lir.
“Shitak na ? Nenok osang kakettemji madoki yuang aser adokdi süra osang tejangja adokang. Yimlibelema ni kibong akümtsü osang kü nem shitakjang kechiba süra kü taküm ya kü meyong lir,” ta Preity-i twitter ajanga metetdaktsüogo.
Iba ama olulu prokba atema lai osangbenertema aitsüogo.
Lai, “Osangbenertemi nisung ka taküm raksatsütsü kanga junga meteta lir… ya anentsüla,” ta lai ashi.