Anoushka Shankar indang kensep tasen sayatsü

February 10, 2016: Taküm Grammy award atema shimteta alir International sitarist, Anoushka Shankar-i kensep tasen, ‘Land of Gold’ adoktsü aser iba kensepji April 1, 2016 nü sayatsü.

Iba kensepji ajanga refugee tem timtem tia nung aliba sangdongtsü aser iba kensepji Universal Music-i sayatsütsü, ta sangdong ka ajanga ashi.

Ponguben tashi Grammy award atema shima alila Shankar-i iba kensep nung aliba kenten tena küm tepiyong alima sema senztsü. Iba mapang nungsa lai Europe nung benjung anogotem nung shilem agitsü aser North America, United Kingdom, continental Europe, India aser United Arab Emirates densema linük aika nung kentena senzütsü.

Iba kensep ya refugee tem aser rara nung takoksa angurtemi timtem tia ajuruba indang sangdongtsü.

Taküm 58buba Annual Grammy Awards atema la indang kensep ‘Home’ shimteta lir. Iba award sentong ya February 15 nü Los Angeles, Staples Center nung akatsü.