Tsüngremer adianutem

Shirnoki Tsüngrem O angashia inyakdir, parnok kütsü aser künu nunger (Lk. 8:21).
Kechiaser shibai meshitettsür, aser shirnok meshiteta lir, parnok anaprongla ka nungi. Aji asünung Pai parnok dang adianutem ta ajatsü maakai ashir, kü adianutem dang ni Ne tenüng sangoktsütsü, arogo rongnung Ne tenüngsang ni atentsü (Ibri 2:11,12). Kechiaser Khrista Yisu nung nenok temejeptokba kecha maka; saka temeim ajanga tamangi inyakba (Gal. 5:6). Ni nenok dang kechi melar aji nenoki inyakra, nenok Kü tembar (Yn.15:14). Au, saka shirnoki Tsüngrem O angashir aser inyaker, parnok temoatsüba (Lk. 11:28). Kü dang Kibuba, Kibuba ta ajar shiai kotak yimlii aitsü masü, saka shibai kotak nung aliba Kü Bui mulungba ama inyakdir pa aitsü (Mtt. 7:21). Yisui parnok dang ashi, “N tenyaba mulung chia inyaktsü, aser Pa mapa atalokdaktsütsü, aji Kü chiyongtsü” (Yn. 4:34). Asenok Pa den telungjem l ir ta asenoki shira aser ammang nung jajara, ajangla asenoki tiyazü jembir, aser ochi meinyaker (1 Yn.1:6). Saka shibai Pa O anga benshir, Pa dak atangji Tsüngrem temeim abensaogo. Pa dak asenok lir ta aji agi asenoki metet (1 Yn. 2:5).
Oba, Ne O nung tashi angaba ajanga Nai mulungba metettsü kü dang yariang. Amen.