Centre nungi arurtemi NBRC, Dimapur semdang

February 9, 2016 nü NSDA & NSDC Chairman, S. Ramadorai-i NBRC, Dimapur semdangdang agiba noksa ka angur.

Dimapur, February 10 (TYO) : February 9, 2016 nü NSDA & NSDC Chairman, S. Ramadorai-i anir Centre nungi aruba teshimtet telok kati Nagaland Bamboo Resource Centre, 6th mile, Sovima, Dimapur semdang.

Centre nungi arurtemji Government ITI, Kohima nung Diesel Mechanic Trade Upgradation sentong nung adentsü atema aruba liasü aser parnoki Advisor, NBDA, Naiba Konyak, Team Leader, NBDA, T. Ao IAS aser tanga ketdangsertem den ajurutepa sensaksem mapang liasü.

Iba sentong nung Team Leader, NBDA, T. Ao, IAS-i tarurtem pela agizük, Advisor NBDA, Naiba Konyak-i tayongzüba o jembi aser Team Member, NBDA, Dr. Tolto Metha o Team Member, NHBM, Chubala nati NBDA indang Powerpoint presentation sayu.

Sensaksem mapang agiba sülen Centre nungi arurtemi Nagaland Bamboo Resource Centre nung aliba units ajak sema senzü.

Centre nungi aruba telokji S. Ramadorai aser pa kinungtsü, Ranjit Barthakur aser Dr. Raman Srinivasan nungertem liasü.