New Delhi, February 11 (Agencies): Brihostibarnü Delhi chief minister Arvind Kejriwal-i, AAP-i Delhi assembly election nung takok tulu anguba ama Punjab election nunga takok tulu angutsü, ta ashi.
New Delhi nun gar kidang osangbenertem den jembidang AAP tongti lenir Kejriwal-i, pai, “Onoki takok angutsü (Punjab nung). Delhi ji (election) Punjab nunga tanaben lepshitsü,” ta ashi.
“Punjab election nung tanabuba jenjang nung Congress Party asütsüa akok. Akali Party jenjang mejungi lir,” ta paisa ashi.
Yaküm February ita Delhi assembly election nung Kejriwal-i aniba Aam Aadmi Party-i Delhi assembly menden 70 nungi menden 67 tashi nung takok ngua liasü.
Paisa, tangbo polling station ajunga nung party nung inyakertem lir aser Punjab tesem ajaklen kibong shia tua nübo ayimer, ta ashi.
“Tangartem saakba mapang nungbo asayaji tembanger alitsü,” ta paisa ashi.
AAP chief minister candidate ji shiba asütsü (?) ta asüngdangba langzüdang pai, “Ibaji onoki mapang tetemshi nung metetdaktsütsü,” ta ashi.
Ajisüaka Kejriwal-i, par party-i taruba Lok Sabha election nung tokteptsü tebilema mali aser sangküm Uttar Pradesh assembly election nunga metokteptsü, ta shiogo.
AAP-i Punjab nunga takok angutsü: Kejriwal added by asungba on
View all posts by asungba →
You must be logged in to post a comment Login