Laishiba Sadaka Sayuba (Open Bible)

~ S. Panger.

Temeshi Laishiba (Holy Bible) meyipzüka züluba aika lir (translation). Iba Lai Tsüngrem O sadaka sayuba aser teratet tanü putu nung angur; tanüla temeshi akaba laishirtemi lipok, tar nunger otsü putipuyang agi original, tetongzüng tashi shitak sayur.
Lai O tamendakdak Yimten, shitak lir: Adam & Eva Tsüngremi yanglu. Lipok 1:27, pa mesükba nung nisung yanglur ashi, jenti renang aser aji azüokang. Tanur dang Tsüngrem O ji shitak sayutsula, alima nung mezüng nisung lia aruba lipok 6: 7-23 tzü agi nisung ajak samaogo, aser Noah aser par kibong kümzük, par kibong nungi alima tasen ka tenzük iba limaji tanü tashi lir. Api 22:6 tanurji kibuba nungi senmang lir, yangi angatetsü o kaji Yisu yimsü libaliro (Christian ethical) junga sayu, saka nisungji Adam nungi jakzük ta masü, tai tesayuba lipok sayuba agi Ao lima nung revival samaa aor, raratep, rongrong aser mangateptep adoker. Lipok 5:24 Enok kotaki bener ao, tanabuba alima tenzükba nung Eliah kotaki bener ao. 2 Chuba 2:11, Tang Tasen Lai putu lir. Alima nung yimsü tongpen 7 lir, aser Christianity nüboisa teimba, tang yimsu 6 ji Yisu magizüker, ajak ji molumi tia, yisu dak amanger shia pei sobaliba lipokji mezüng nisung Adam aser Adam kidong alangtetsü Yisu alimai aru, kangki nung asü, arem aser shia aru. Yhn 3:16 Tanurtem dang tzü leplu aser Lijaba alima yangluba, purapuji aser amajok otsü koba agi rarapangsen adoker aji mesayutsüla aser anendakjang. Tita 3:9.
Alima tongtibang kaket nung nisungji küm 50 million jakdang nisung raraba hadir nok, nü yanglua amshi ta scientist temi sayu.
Ano scientist kari nisungji küm meyi 12, nisung pokteter, oda shitsü monkey nungi ta sayur, aji ni magizüker, 1971 sayutsungir Philighrami Chicago yimti revival 3 million atenshia alidak, ni scientific kuli ajak dak mangmanger ta ashi.
Larken temeshipur kati zuluba kaket lai O ratetba tesayuba nung Adam nungi lia aruba nisungtemji küm tang agi 7 thousands lir, aji shidak ta ni amanger. Tanur dang tesayuba shidak agütsütsü Tsüngrem O lir. Meimchir millionsa million tsüraburi mazüokba agi tanülatem samar. Tai ajak tsuraburi abentsü, amajok alima konang, pailoka sayutepba tanü tashi laishirtemi benteta moutetter, asen lima ayatai! Sadaka sayuba temeshi lai o shidak sayur temoatsüba lir aser Tsüngremi pelatsü. Anungji tang ni amanger aser agizüker. Yisu Khrista Adam kidong nungi alima kümzüktsü taküm tenla agütsü, aji Tsüngrem sentong lir.

TAKOK!!! TAKOK!!! TENÜNGSANG!!!

MERANGKONG Kaketshirtem, Medemsanger Putu aser Sensosanger…. tawa Tuli Town nung Langpangkongsanger sentepa saisapong aser mungdang acha-ayangba kanga jangratema reprangogo. Nübortem tsüngda telongjem aser teyaritep dang lirbo aji oda mapa tasak süaka takok ngutetter ta reprangogo. Football ground 3 (asem) volleyball ground 2 (ana) aser mungdangti ki tuluba kata nunga tamakok aser tapok mepadaktsüi computer nung renemer akaba agizüker ama zep-zep ta inyaka sayuba nungi Tzükongsanger atema tarutsü nung angazüka inyaktsü maparen aika nguogo.
Asaya nung takok angubajia pelar, saka ajak dak alia Tuli Lenden lisa tesadem nung nübortem meyi aika pakzüa pelateptsüsa nisung teshimtet ishikati inyaktetbaji kangsa jangratema aser temolung süa tesentepertemi reprangogo, nenok shisatsü apayua bilemer, mapa nung teka sotaka inyakertem shirnoki nür lenirtem akümtsübua anibelem mesasai tokrong aremogo, ya Tzükongsanger lanurtem atema tangazüktsü süogo, Sensosangertem ajaki yimten temzüng-tsüzüng nung maibelentsü kümdanga azüokogo nenok tangatetba tajungji teti atema asütsü yimlar.
Nenok mapa TAKOK!!! TAKOK!!! ya ajanga TENÜNGSANGSA TENÜNGSANG!!! AJANGZÜKOGO.

– T. Imo Jamir, Changtongya Yimtiba