Na jajaba ajanga smartphone charge sütettsü

New York, February 12 (Agencies): Kobi melii na jajaba ajanga nai nü meyong smartphone charge sütettsü.
Researcher agirtemi ashiba agi, nisung ka jajaba ajanga electronic osettem tashi agütsütettsüsa technology ka yanglutetogo.
Tawa University of Wisconsin-Madison nungi mechanical engineertem-i, parnoki energy harvesting & storage technology ka teyangludak lir aser ibaji ajanga mobile battery nung reliance ajema kümdaktsütettsü aser na jajaba ajanga smartphone charge sütettsü, ta ashi.
Mechanical engineering nung professor, Tom Krupenkin-i aser senior scientist, J Ashley Taylor nati, mobile electronic osettem tashi agütsütettsüsa nisung ka arakzüba ajanga energy adokdaktsütsü atema technology ka indang rasaa ashi.
“Nisung ka jajaba nungji tashi tulu lir. Theory ajanga, tsüngsem (shoe) kati watts 10 adokdaktsüteter ta asadangteter, aser iba tashiji ‘heat’ ama dang amajok nung entoker. Nisung ka jajaba nungi watt 20 (tsüngsem ana nungi) adokdaktsütetbaji ata-mata masü,” ta Krupenkin-i ashi.
Iba technology ya military atema kanga nüngdak asütsü, kechiyong sepaitemi parnok indang radio, GPS units aser ‘night-vision goggles’ atema battery taret abener.
Krupenkin-isa, tashi (energy) tila ka ngutetbajia smartphone, tablet, laptop computer aser torchlight ama bener senzütetba osettem atemabo teperi, ta ashi.
Journal Scientific Reports den jembidang pai, “Mechanical motion nungi electrical energy direct adokdaktsütetsü atema onoki method tasen amshidar,” ta ashi.
Tang engineer tem jagi parnok indang startup company, InStep NanoPower ajanga iba technology ji commercial kümdaktsütsü atema industry tebushitak lir.