Kohima nung Army Recruitment Rally agitsü

Dimapur, February 12 (TYO) : April 5 nungi 7, 2016 tashi Kohima nung Army Recruitment Rally alitsü, ta Secretary Rajya Sainik Board aser Director Sainik Welfare & Resettlement Nagaland, Brigadier KK Roy Choudhury, SM, VSM (Retd)-i sangdong ka nung metetdaktsü.
Nagaland nungi tejangrar lanurtemi joinindianarmy.nic.in nung tenüng agütsütsü akok. Taoba mapang tenüng agüja alirtemi user ID aser password tejen amshia tenüng agütsütettsü, ta sangdong nung shia lir.
Tenüng agütsürtem dangi roll number ka aruba sülen ang application indang maparenji agizükogo ta züngshir. On line application magütsür aser Admit Card malirtembo rally nung medendaktsütsü, ta Brigadier KK Roy Choudhury, SM, VSM (Retd)-isa shisem.