Ministerial Team-i Kiphire semdang

Dimapur, February 12 (TYO) : February 11, 2016 nü Home Minister, Y Patton lenisüba nung Ministerial team-i Kiphire semdang aser Deputy Commissioner Conference Hall, Kiphire nung lennirtem den ajurutepa senden ka amen.
Y Patton lenisüba telok nung züngsemtemji Power Minister, C. Kipili Sangtam, Parliamentary Secretary, BS. Nanglang aser Parliamentary Secretary L. Khumo na liasü.
Parnoki Kin balala lennirtem, mulungtet teloktem, kaketshir lennirtem, AST, GB’s aser Wards Chairman den ajurutepa senden amen.
Lendong atalokba bushisüngdangtsü atema sorkari Inquiry Commission ka tentetogo aser tasür kibong nem sorkar mapa ana agütsütsü aser sen lakh ka teyari agütsütsü atema mapa inyakdar, ta senden nung Home Minister-i metetdaktsü.
Senden nungsa Power Minister, C. Kipili Sangtam aser Parl. Secy. BS. Nanglang o Parl. Secy. L. Khumo, Tsilise, Vice President USLP, Khatomong Executive Chairman USSC, Mapula, President AST aser Sepithong, Head GB nungertemia o jembia liasü.
Senden nung mendenji Kiphire Deputy Commissioner, A. Chumremo Odyuo liasü aser paisa tatalokba osang tatsü agi metetdaktsü.