Barcelona-i goal 2-1 agi LA Galaxy akok

Pasadena, July 22 (Agencies): Barcelona teloki goal 2-1 agi LA Galaxy madak takok ngua International Champions Cup tour asaya yasüng, Mongolbar aonung asayaogo.
Luis Saurez-i asaya tenzüker minute 45 buba nung 1 buba goal agüja par Barcelona telok temaba jenjang nung ajungkettsü aser Sergi Roberto-i minute 56 buba nung 2 buba aser takokba goal agüja liasü.
Asaya tanabuba shilem indang injury time nung Tommy Meyer-ia par Galaxy telok asoshi goal 1 agütsü saka par teloki tamakok ajurutsüsa aküm.
Galaxy telok ya US nung ayongba football asayamong, Major League Soccer (MLS) champion telok lir.