Russian Open: Jayaram o Tanvi na 2 buba round-i iogo

Vladivostok, July 22 (Agencies): India nunger badminton asayar, Ajay Jayaram aser Tanvi Lad nati 1 buba round nung takok ngua tang tasayadak Russian Open Grand Prix badminton asayamong tebur aser tetsür singles shilem indang 2 buba round asayatsü jenjang tanü Bodbar nü nguogo.
Tan asayamong nung 3 buba jenjang abensang, Jayaram-i points 21-7, 21-7 ngua Russia nunger Kirill Timofeev tsükdaktsüba sülen Slovakia nunger Jarolim Vicen den 2 buba round asayatsü jenjang angu.
Tanvi-a points 13-21, 21-18, 21-19 agi Russia tsür Victoria Slobodjanuk madak takok angu aser Bulgaria tsür Linda Zetchiri den 2 buba round asayatsü jenjang ajangzüka liasü.
Mixed doubles shilem nung Akshay Dewalkar aser Prajakta Sawant nati points 21-16 21-16 agi Russia asayar, Rodion Kargaev aser Ekaterina Bolotova na tsükdaktsü.
Tenati Egypt asayar, Abdelrahman Kashkal aser Hadia Hosny na den 2 buba round nung ajuruteptsü.
Dinesh Chaudhry aser Lalita Dahiya natia points 21-11 21-16 ngua Russia nunger Mikhail Nesterenko aser Russia tsür Daria Radchenko na madak takok anguba sülen tan asayamong nung 2 buba jenjang abener, Evgenij Dremin aser Evgenia Dimova na den mixed doubles shilem indang 2 buba round asayatsü lemzükogo.