MCD-i Ahidur Rehman nem tenüngsang agütsüba sentong agi

Dimapur, February 14 (TYO) : Deobarnü Muslim Council Dimapur-i tawa Peace Award angur Ahidur Rehman nem tenüngsang agütsüba sentong ka ayongzüka agi.
Ahidur Rehman ya MCD nung Working President lir aser tawa tu taoba Pro-Vice Chancellor, Prof Lanunungsang dne külemi pai Peace Award agizük.
Unity Hall, Naga Council building nung sentong ka ayongzüka agidang nisung aika arua aden aser iba sentong nung tongti tesemdangerji MLA & Advisor, Urban Development, S I Jamir liasü.
S I Jamir-i tongti tesemdanger o jembidang Peace Channel-i Rehman nem Peace Award agütsüba atema tenüngsang agütsü aser pai Governor’s Award atema Rehman tenüng abentsü ta shisem.
Dimapur nung March 5, 2015 nü lendong atalokba mapang Rehman-i mapa tajung inyakbaji nisung ajaki tenüngsang agütsütsüla, ta S I Jamir-isa shisem.
Sentong nung Vigilance Commissioner, K T Sukhalu-ia Rehman ji Nagaland atema ambassador ka ta atishia jembi.
Sentong nungsa Om Prakash Sethi, Lipok Pongen, Fr Dr C P Anto, Advocate J a Talukdar, Dr M Z Ahmed, Atar Tapdar, Naga Women Hoho general secretary, Nebano, Prof K P Avikashit, Cajetan Mahung aser Hovuto Zhimomi nungertemia o tatsütsü jembia liasü.