Bulgaria nungi football asayar Ivanov süogo

Sofia, February 14 (Agencies) : Taoba mapang Bulgaria nungi football asayar, defender Trifon Ivanov arishi küm 50 nung süogo, ta linük football association ajanga metetdaktsüogo.
1994 World Cup asayamung nung Ivanov-i kangasa junga asayaba ajanga Bulgaria-i semi-final tashi tongtet aser iba den külemi pa ya Euro 96 nunga asaya liasü.
Pai par linük asoshi centre-back position nung match 77 tashi asayaogo.
“Trifon Ivanov ya Bulgaria nunger football asayar otsü nung defender tajungtiba rongnung teti tetshitsü,” ta Honibarnü Bulgaria Football Federation ajanga metetdaktsüogo.
“Trifon ya nisung kanga tajung aser ajak dang yarinüba meimchir ka liasü. Pa asüba ya onok ajaki kanga sasar aser mang ayimer, RIP, Trifon,” ta parnokisa ashi.