Internacional club-i Carlos Tevez aniokner

Rio de Janeiro, February 14 (Agencies): Brazil nunger football club ‘Internacional’-i Argentina nunger Carlos Tevez parnok telok nung anioktsü bilemdangdar, ta osangbenertemi ashi.
Internacional telok nung Andres d’Alessandro anenba sülen parnoki iba mera agitsü bilemtet, ta Xinhua News Agencies ajanga metetdaktsü.
Arishi küm 32 tain, Carlos nem küm ana contract atema sen dollar million 2 agütsütsü akok.
Kari parnok den Carlos rakteptsü merangdangka kanga melabo makoktsü südi kechiba süra parnok Carlos-i meshiba sen agütsütettsü asoshi lenmang bushitepdar.
Carlos-i Brazil nung kanga takok ngua asayaogo. 2005 nung pai Brazil league nung takok bentsür arua liasü.
Carlos ya Manchester United, Manchester City aser Europe nung Juventus telok nungisa asayaogo.
Tang tashi nung pai par linük, Argentina tenüng nungi match 60 tashi asaya lir.