Bengal-i Maoists aritoktsü asoshi Jharkhand den lungjemtsü

Kolkata, February 15 (Agencies): West Bengal Police tem Jharkhand police den lokteper Maoist telok aritoktsü asoshi mita aotsü sentong lir. Item Telungpur ya state ana arrtsü tsütsü atsüka lir, ta Hombarnü police ketdangser kati ashi.
West Midnapore Superintendent of Police Sukhendu Hira-i Kolkata nungi kilometre 175 shi pilar aliba Shilda tesem semdangba mapang ashiba agi, Moaist tem iba tesemi mapang shia arur.
“Parnok iba tesem nung longdar ta asüba osang agi onok tongogo. Parnok prangpong maben aru südi ajisüka parnoki iba tesem kanga junga mita repangdar,” ta Hira-i ashi.
Hira-isa, “Parnok ya Jharkhand aser West Bengal na tsütsü arrtsülen aliba tenemtem nung lir ta osang tejangja angashiogo,” ta ashi.
“Jharkhand police tem den lokteper item Maoist tem aritoktsü asoshi onok tang tejembidak lir,” ta pai ashi.
Aruya-a aliba assembly election atema police tashi kanga nüngdaktsü kechiba süra parnoki timtem agütsütsü merangtsü, ta paisa ashi.