Fishery Department-i ango ayuba ‘Kiosks’ kar lapokogo

Dimapur, February 15 (TYO) : February 13, 2016 nü NABARD (RIDF-XX) inyakyim kübok Department of Fisheries-i ango ayutsü atema Chekiye Village aser Diphupar Village na nung kiosks anana lapoktsüogo.
Department-i tanü asüng tensa dak apetba ango ayuba tesem 11 lapoktsü asoshi NABARD dang nungi sen apua alitsü asoshi benoka liasü.
Iba ama tesem tajung nung ango ayuba ajanga nüburtem achitsü temsüa kümdaktsütsü nükjidong nung Department-i iba project ya inyakba lir.
Iba inyakyim yagi mapang talangka ayuba ango dena meraksadaktsütsü, chemical balala ajanga meraksatsü aser mashi amshiba nungi jenbutsü.
Iba sentong nung Department ketdangpur B.P.Chetri, Commissioner & Secretary, Fisheries Department aser Zenohol Angami, Director of Fisheries nati anir Neitho-o Kuotsu, Deputy Director, Vimezo Kire Angami, CEO(FFDA), Dimapur, Khuyivi Sema, Asst Engineer aser Rongsenkumzuk, Asst. Director nunger dena liasü.