Telangana yimsüsür ka indang gari anisang prangpong agi kahset

Hyderabad, February 16 (Agencies): Mongulbarnü Telangana nung yimsüsür ka indang gari anir ka prangpong nungi memeteti injang tugua kahset, ta police-i ashi.
Iba lendong ya MLA Quarters, Hyderguda nung ataloka liasü.
Telangana Rashtra Samithi (TRS) telok nungi yimsüsür C. Madan Reddy indang gari anisang, Akbar ya bodyguard Ravindra-i amba prangpong nungi memeteti injang tugua yangji atanga kahset.
Tang tashi nung police-i ano iba tatalokba indang osang tejangja monguteti lir.
Kari ashiba agi, yimsüsür Reddy indang bodyguard-i amba prangpongji yua aliba mapang gari anisang, Akbar-i bena arua reprangdangdang iba lendong ya atalok. Ano karibo Akbar ya pa sasa kahset, ta ashir.
Deputy Commissioner of Police Kamalasan Reddy-i lendong atalokba tesem semdangogo aser iba mapang bodyguard sang danga asüngdangya süogo.