Prince-i nungitba kentener telok nung kentenla süogo

February 16, 2016 : America nungi kentener Prince-i tentetsüba nisung asem agi akümba R&B/funk, tetsür kentener telok, Vanity 6 nung kentenla, Denise Matthews arishi küm 57 nung süogo. La ya Fremont, California nung aliba mozüki ka nung asü.
La asüba osang tejangja ya Washington Hospital Health Care System nung otongdar Gisela Hernandez-i metetdaktsü. La koma aser kodang asü-ar ibajibo mashi.
Matthews ya Canada nung aso aser mezüngbo model ka ama inyaka liasü. Lai 1980 küm nungi tenzüka film nunga shilemsa agi aser iba mapang lai “52 Pick-Up” aser “Action Jackson” film tem nunga shilem agia liasü.
1982 küm nungi Prince den tesentaktep tulu aliba kentener telok Vanity 6 nung la-a aden. Iba telok yagi kensep ka dang adoka lir, ta allmusic.com-i metetdaktsü.
1990 tiyonglen Matthews-i kenten menü mapa toktsür tamangba tsütsü temulung agütsütsü tenzük aser melongi la evangelist aküm. Khristan tajung ka ama lai la tesüiba mapang libaliroba sasa ashi. Tesüiba mapang nung la kanga jangratemabo mali asü ta sa lai shia liasü.