Excise department-i yi aser mozütem raksa endok

Dimapur, February 16 (TYO) : Mongulbarnü Excise department-i parnok Directorate office complex nung sen 27,85,170 alangba IMFL aser ozüng alema shibelenba mozütem raksaa endokogo.
Commissioner of Excise aser Dimapur police, judiciary, Municipal aser tanga teloktem nungi teshimtet nübotem adenshia lia yi aser mozütemji raksa endok.
Tanü raksa endokba yi aser mozütemji Narcotic Cell-i May 2015 nungi December 2015 tsüngda apubatem liasü aser itemji IMFL bottle temeyoktep 19,538, ganja seret 237, opium seret 2 ser tesadang, Spasmo proxvyvon (SP) capsule 23451 aser Nitrosun tablet- 505 liasü, ta Superintendent of Excise (NC), Chanlei Angh-i metetdaktsü.
Iba dak sendakba nung yi indang ken o 480 benok aser aibelenertem dang senchi achiba nung sen 5,76,500 aru, ta paisa ashi.
Iba sentong nung Commissioner of Excise V Maria Yanthan-i Excise ketdangsertem dang pelaba metetdaktsü.
Nübo peria meliaka ketdangsertemi mapa tajung inyakba atema kanga pelar aser maneni tarutsü nunga mapa tajungba inyaktsü merangang, ta Maria-isa ayongzük.