Bob Dylan-i kensep tasen ka record südar

Los Angeles, February 17 (Agencies): Nüngtugu kentener, Bob Dylan-i 2015 küm pa indang kensep ‘Shadows in the Night’ sayaa liasü aser pai maneni kensep tasen ka adoktsü atema record tesütak lir, ta osang angazüker.

11 ben tashi Grammy award angur arishi küm 74, Bob Dylan-i Hollywood nung aliba Capitol Studios, Studio B nung engineer, Al Schmitt den külemi kensep tasen atema inyakdar, ta Billboard osang ajanga ashi.

“Iba maparen junga odar. Pa ola junga adoker. Pa studio nung jangratema inyakdar. Onok jangratema inyakdar. Tangbo küna ya tsüngsem tejen ana mesüka lir, kati ka den sademsadema inyaker,” ta Schmitt-i ashi.

Paisa, “Pa (Dylan) ya khenyongi teyakyak aser pai ajak meteta lir,” ta ashi.

‘Shadows in the Night’ kensep ya Bob Dylan indang studio kensep 36buba liasü aser iba kensepji 2015 küm February 3 nü Columbia Records-i sayaa liasü.