India Badminton Asia Team Championship quarterfinal-i iogo

Hyderabad, February 17 (Agencies): India teloki points 5-0 agi Singapore telok madak takok ngua tang tasayadak Badminton Asia Team Championship quarterfinal asayatsü jenjang tanü, Bodbar nü nguogo.
Tanü asaya nung Kidambi Srikanth-i points 21-16, 12-21, 21-13 agi Zi Liang Derek Wong madak 1 buba singles asaya koka India temaba jenjang nung ajungkettsü.
2 buba singles asaya nunga Ajay Jayaram-i points 21-11, 21-18 ngua Kean Yew Loh tsükdakja par India telok jenjang tajungba kümdaktsü.
Manu Attri o Sumeeth Reddy natia points 21-15, 21-14 ngua Yong Kai Terry Hee o Kean Hean Loh na doubles asaya nung tsükdaktsüba ajanga India-i points 3-0 agi temaba jenjang angu.
2 buba doubles asaya nung Pranaav Jerry Chopra o Akshay Dewalkar nati points 21-14, 21-13 agi Danny Bawa Chrisnanta o Hendra Wijaya na koka India temaba jenjang nung ajungkettsü.
Tatembangba singles asaya nung HS Prannoy-i points 21-10, 21-12 agi Zin Rei Ryan NG tsükdakba ajanga par India teloki points 5-0 agi tanü asayaji akok.
Japan telokia points 5-0 agi Sri Lanka telok akok, Malaysia teloki points 5-0 agi Nepal tsükdaktsü aser Hong Kong China teloki points 4-1 agi Philippines telok madak takok ngua liasü.