Kabir Bedi-i ‘The Broken Key” film nung shilem agitsü

Mumbai February 19, 2016 : Nüburtemi kanga tushisang actor, Kabir Bedi-i “The Bold & the Beautiful” aser “Prince of Persia: The Sands of Time” international project tem nung shilem agia lir aser ano maneni “The Broken Key” film nung professor ka ama shilem agitsü.

Iba suspense drama, English film ya Italy nung tangoktsü aser Kabir-i Turin tesem nung alemli osettem nung professor ka ama shilem agitsü.

“‘The Broken Key’ film nung shilem agitsüji kanga jangratemtsüka lir. Balakata ni külemi inyakdanga arusang Rutger Hauer dena International actor tem aika den külemi shilem agitsüji jangratemtsüka lir,” ta Hauer den “Beyond Justice” film nung shilem agisang Kabir-i sangdong ka ajanga ashi.

Iba film nung Michael Madsen aser Geraldine Chaplin nungera shilem agitsü.

“Iba film ya tesüiba, tang aser tarutsü mapang tem dak ajemdaker yangluba lir,” ta Kabir-i ashi.

“The Broken Key” ya Italy nunger director Louis Nero-i direct asü aser alima rangben nung taküm sayatsü sentong lir.