Nagaland AITA Inter-State Men’s Tennis Tournament semi-i iogo

Bhubaneswar, February 19 (Agencies): Nagaland teloki points 2-1 agi Orissa telok madak tang tasayadak AITA Inter-State Men’s Tennis Tournament quarterfinal asaya koka semifinal-i tanü, Hokolbar nü iogo.
Tanü mezüngbuba asaya nung Ansu Kumar Bhuyan-i points 6-4, 6-2 ngua Keneisezotuo Whourie tsükdakja par Orissa telok temaba jenjang nung ajungkettsü.
Ajisüaka, tanabuba singles asaya nung Vilasier Khate-i points 6-3, 6-2 ngua Chinmay Pradhan madak takok anguba den külemi, Vilasier o Sezoutuo Whourie nati points 6-4, 6-2 ngua Chinmay o Ansu na doubles asaya nung tsükdakba yong par Nagaland teloki points 2-1 agi tanü asayaji kokadok.