Mozü nung jenjang matutsü: Nadda

Alappuzha (Kerala), Feb. 20 (Agencies): Honibarnü Union Health Minister, J.P. Nadda-i, bendanglen nungi mozü abenba atema saru atuba ajanga mozü balala nung jenjang atutsü ta jembiba osangji tai ta ashiba den külemi, mozütem jenjang dalangba nung ayoktsü, ta metetdaktsü.
Tanü Kerala nung state-i achaayangba mozüki, T.D. Medical College nung senden ka nung jembidang Union Health minister-i, “Import saru atuba ajanga India nung mozütem nung jenjang atutsü ta osang tai jembia lir. Mozü balala jenjang dalangba akumtsü akok. ‘Generic’ mozütem dak alaka cancer tashitak aser temelungjang melenba atema mozütem nungbo shilem 60 nungi 90 tashi subsidised jenjang nung angutsü,” ta ashi.
T.D. Medical College nung sen crore 150 intoka super Specialty Block yanglutsü atema lung azüngtsüba sülen Nadda-i, state sorkari ali dang agütsüra par sorkari Kerala nung Affordable Medicines & Reliable Implants for Treatment (AMRIT) amenoktsü atema senotsü agi yaritsü melunga lir, ta metetdaktsü.