Mar 15 nü NBSE senden alitsü

Dimapur, February 20 (TYO) : March 2016 15, 2016 nü Ura Academy Hall, Kohima nung NBSE senden ka amentsü ayongzüker, ta NBSE Chairman, Asano Sekhose-i sangdong ka nung metetdaktsü.
Iba sendenji anepdang 10:30 ako nung tenzüktsü aser tsünglanglen agüja aliba nisungtem den amentsü, ta NBSE Chairman-isa sangdong nung shia lir.
i. Academic year 2016 nungi Classes IX & X aser Classes XI & XII ajungketba school (Government & Private) tem nung tekolakpurtem.
ii. Tawa tasen shimba high/higher secondary schools (Government & Private) nung Headmaster/Principal tem ajak.
iii. School tem nung Asstt. Headmaster/Vice-Principal mapa teinyakdak alirtem ajak.
Tawa tasen shimba tekolakpurtemi March 11, 2016 tashi nung Mobile No. 9436216604, Phone No. 0370-2260947 nung mesüra nagaboard@gmail.com nung email ajanga parnok senden nung adentsü indang osang tejangja metetdaktsütsüla. Iba senden nung tejaokertem ajak arua adentsü tetuyuba agütsür aser TA/DA ji pei pei rejutem agütsütsü, ta NBSE Chairman-isa metetdaktsü.