Tamil Nadu nung DMDK MLA 8 anen

Chennai, Feb.21 (Agencies): Tanü Tamil Nadu Assembly nung party dang melung masüba DMDK MLA 8 anenogo aser Left party lenir Vijaykant dang nungi House nung Opposition lenir menden agienogo.
Assembly Speaker, P Dhanapal-i MLA tem anenba shidiji agizükogo aser tangbo assembly nung DMDK MLA 28 aliba nungi 20 dang akümba yong Vijayakant opposition lenir menden nungi agien.
Assembly temzüngtem nung ajemdaker DMDK tentetsang Vijayakant ji joko Opposition lenir ama mezüngshir, ta tanü Speaker’s Secretariat sangdong ka ajanga metetdaktsü.
Menden 234 aliba assembly nung DMK MLA 23 lir.
Taküm state nung assembly election agitsü lia Congress-DMK teloktep, BJP den party pezü, People’s Welfare Front (PWF)-i DMDK teyari bushir.
Speaker-isa Nilakottai (SC) constituency, A Ramasamy nungi MLA Puthiya Tamizhagam anenba shidi agizükogo.
Ano PMK nungi temelung masüba MLA, Kalai Arasu-i sodi meshiba shidi-a agizükogo, ta kasa sangdong ajanga ashi.
2011 assembly election nung PMK-i menden asem nung takok ngua liasü.