Asian badminton C’ship nung India-i bronze angu

Hyderabad, February 21 (Agencies): Hyderbabad nung Deobarnü tang tasayadak Badminton Asia Team Championships asayamung nung India nunger badminton asayar tebur teloki takok angutsü imlaba nükjidong metongteti semi-final nung 1-3 agi Indonesia nem kokdaktsü.
Semi final asaya tangaba nung Japan-i South Korea madak 3-0 agi tako angu anungji final nung parnok Indonesia den asayatsü.
India team nung captain Kidambi Srikanth-i kija asayaba nung 21-14, 23-25, 21-9 agi Tommy Sugiarto madak kanga junga takok ngua tenzük. Ajisüaka tarep asaya Manu Attri aser Sumeeth Reddy nati Mohammad Ahsan aser Hendra Setiawan na den asaya dang 11-21, 10-21 agi makok.
Iba denji densema ano world No. 25 Ajay Jayaram-ia 15-21, 20-22 agi pa dang asayar tamajungba Ginting Anthony makokba ajanga India team final tashi metongtettsüsa aküm.
Tanabuba tarep asaya nung Pranaav Jerry Chopra aser Akshay Dewalkar nati kanga meranga asaya saka 13-21, 21-18, 15-21 agi Indonesia nunger Angga Pratama aser Ricky Karanda Suwardi na mokoktet.
Match pongu asayatsü aliba nung Indonisia-i asem kokadokba ajanga India nunger HS Prannoy aser Indonesia nunger Christie Jonatan na kija asaya masayadaktsü.
Semi final tongtetba atema India team-i bronze angu aser India team-i küm semer nung tan mezüng bronze angur asütsü.
Ano tetsür semi-final asaya nung Japan-i Thailand madak 3-0 agi takok angu aser China-ia South Korea madak 3-0 agisa takok angu. India tsürtembo Hokolbarnü quarter-final nung tsükadok.