‘The Mermaid’ film-i China box office otsü tasen yanglur

Shanghai, February 22 (Agencies): China nung yangluba ‘The Mermaid’ film-i Hollywood nung yangluba ‘Furious 7’ aser par linüksa yangluba ‘Monster Hunt’ film na ajangteta China box office otsü tasen yangluogo.

Hong Kong director, Stephen Chow-i yangluba comedy film, ‘The Mermaid’-i taoba hopta tatembang tashi nung ajak agi yuan sen billion 2.47 shi aazüka China nung sayuba film-tem rong nung sen timba aazüker film aküm.

‘The Mermaid’ film sayuba jakdang, ‘Monster Hunt’ film-i yaküm 2015 küm September ita tashi nung yuan sen billion 2.44 shi aazüka ‘Furious 7’ film ajangteta sen timba aazüker film küma liasü.

Taoba mapangbo bendanglen yangluba film-temi China’er box office nung temaba jenjang ngua aru saka China nung yangluba film-temia joko temaba jenjang angu tenzükogo.

‘The Mermaid’ film ya shishilembar kati pa tepsettsü asoshi yokba mermaid ta ajaba temang shilem tesadang ka ango aliba tetsür ka den meimtepba otsü ka lir.