Tehran, February 22 (Agencies): Azerbaijan, Switzerland aser South Africa densema, linük 3 nungi Tirtemi Iran tan hopta semdangtsü renemba osang ka Iran foreign ministry-i tanü, Hombar nü metetdaktsüogo.
“Azerbaijan Tir, Ilham Aliyev-i Tehran tan Mongolbar nü semdangtsü sentong renema lir. Ano, Switzerland Tir, Johann Schneider-Ammann aser South Africa Tir, Jacob Zuma natia Iran tan February ita 27 o 29 nü na semdangtsü sentong renemba osang foreign ministry otongdar, Hossein Jaberi Ansari-i jangjashitsü.
Tan Africa, Asia aser Europe densema, continent asem nungi linük Tir kakai Tehran semdangtsü sentong renemba ajanga Iran aser alima linüktem na tsüngda tesendaktep kanga junga akümba kuli sayur ta Ansari-isa metetdaktsü.
Iran-i alima tashi abenba linük lenirtem den yaküm, 2015 küm July ita 14 nü nuclear tezüngzüktep agiba sülen alima linük lenirtemi par Tehran semdangtsü tenzüka lir.
Linük 3 nungi Tirtemi Iran tan hopta semdangtsü added by asungba on
View all posts by asungba →
You must be logged in to post a comment Login