DDLSA-i SM College nung ‘legal awareness’ sentong agi

Dimapur, Feb. 22 (TYO): Dimapur District Legal Services Authority (DDLSA)-i February 22 nü Saku Mission College, Dimapur nung ‘legal awareness’ sentong ayonga agiogo, ta sangdong ka ajanga metetdaktsü.
Pela agizükba o jembidang College nung Vice Principal-i, “Ozüng dak sentakba nung iba ama sentong ayonga katsütsüji kaketshirtem asoshi kanga nüngdak kechiba süra parnoki angazüker külen anünga aliba nüburtem danga pei teinyaktsü aser temeten indang tali jangja lemsateptettsü. Tanü loktiliba nung teraksa aser telemsa jenti adoker anungji nisung shiai pei temeten meteta alitsüji kanga tenüngdaktsü kümogo”, ta shisem.
Sangdong ajang ashiba agi, sentong nung shisalen tuyur Panel lawyer, DDLSA Esther K Aye aser Limasenla Longkumer nati o jembidang Consumer Protection Act, functions of DLSA & Role of PLVs, Cyber crimes, RTI aser Immoral Trafficking Prevention Act onük tem nung amashia jembi.
Ozüng tsütsü angadi teyari agütsüba nung court aser lokti na tsüngda apu ka ama asütsü atema kaketshirtem dang ‘Para Legal Volunteers’ ka ka ama shilem agitsü asoshi ajungshi. Iba den külemi asen lokti nung teraksa adokba jangja metettsü atema RTI (Right to Information) ya hadir tajung ka ama amshitsü asoshi tetuyuba agütsü.
Iba sentong nung college kaketshirtem den Principal aser yangji inyaker ajak dena liasü.