Peren nung 23 buba Zeliang Wrestling tetoktepba agiogo

Dimapur, February 23 (Agencies): Nagaland kübok Peren nung 23 buba Zeliang Wrestling Tournament tanü, Mongolbar nü agiogo.
Iba asayamong tenzükba sentong nung Peren Deputy Commissioner, Peter Lichamo tongti tesemdanger liasü.
“Naga nunger yimya nung melangtepba tetoktepba Nagaland nung temaba jenjang tonga atutsü tenzükogo. Naga nunger asayartemi melangteptsü tetoktepba nung dang masü saka saisapongtsü shilem ajunga nung tajungtiba yimya benshia takok angutsü merangtsüla,” ta tongti tesemdangeri metetdaktsü.
Naga nunger yimya nung melangtepba tetoktepba nung Nlumrai Hegwang-i temaba jenjang ngua ZWA asayamong champion aküm.
Freestyle tetoktepba nung Asoyibe-i temang touzük seret 50 taret ser tekübok shilem nung temaba jenjang angu, Nampotei-i seret 51-55 taret shilem nung takok angu, Rakuding-i seret 56-60 taret shilem nung takok angu aser Ibalungbe-i seret 61-73 taret shilem nung temaba jenjang ajangzük.
Tan asayamong nung ajak agi melangteper nisung 60 tashi shilem agia liasü.