Dr Nicky Kire-i NPF Minority Wing mendenpurtem den ajurutep

Dimapur, February 24 (TYO) : Forest Environment & Wildlife Minister aser NPF Minority Wing Ministerial in charge, Dr. Neikiesalie Nicky Kire-i February 24, 2016 nü Kohima nung Minority Wing (Central & Division) tiri anir mendenpurtem den ajurutep.
Iba senden nung NPF Minority Wing Central, Bishnu Bhattacharjee-i o jembidang, Ministerial incharge den ajurutepa senden amenbaji kanga dang tongtipang mapang ka lir, ta ashi.
Senden nung Minister Dr. Kire-i NPF Minority Wing züngsemtemi Naga Peoples Front tashi itdaktsütsü atema nendaka inyaktsü ayongzük.
Iba senden nung NPF Dimapur division nungi tir aser tatong tir naprong aden.