Justice Dinesh Maheshwari-i Meghalaya Chief Justice inyaktsü

Shillong, February 24 (Agencies) : Meghalaya High Court nung chief justice inyaktsü atema Justice Dinesh Maheshwari-i Bodbarnü tenangzükba agiogo.
Raj Bhavan nung sentong ka nung Angh V Shanmuganathan-i Chief Justice inyaktsü atema tenangzükba agidaktsü. Iba sentong nung Chief Minister Mukul Sangma aser par cabinet züngsemtem aden.
Maheshwari-i taoba chief Justice Uma Nath Singh melenzüker. Justice Uma ya January 14 nü mapa nungi anisüngzüka liasü.
Taoba mapang Maheswari ya Allahabad High Court nung senior Judge ka liasü.