Michael Jackson indang $1.5mn jenjang Oscar ka sama

Los Angeles, February 25, 2016: Michael Jackson arishi küm 50 nung, 2009 küm ajungbena asüba mapang pa rongsen ketdangsertemi pai toksüba rongsen ajak anepalutsü tenzük.
1939 classic “Gone With the Wind” atema producer David O. Selznick nem agütsüba Best Picture Oscar award ‘King of Pop’ Michael Jackson-i auction mapang alizük, ajisüaka pa rongsen anepalurtemi iba award ji pa rongsen rongnung mangu, ta hollywoodreporter.com ajanga metetdaktsü.
Pai iba award ya 1999 küm sen million dollar 1.54 agi ali aser iba mapang sen tasaktiba agi ayokba award ji ibaji liasü. Iba sülen Academy ajanga award yoka machitsü ozüng züngtsü.
Iba award ji Jackson’er tanurtem atema lir anungji onoki iba award meyipa ngunür. Ni amanger khenbosa iba award ji angutsü, ta Jackson indang attorney Howard Weitzman-i ashi.