Mokokchung nung Feb 25 nungi Old Age Pension agütsür

Mokokchung, Feb. 25 (TYO): District Welfare Office Mokokchung ajanga February 25, 2016 anogo nungi Indira Gandhi National Old Age (IGNOA), Widow, Disable, Blind Pensions aser Disable Scholarships agütsüdar aser April 8, 2016 nü tashi agütsütsü; Tamalen metetdakja aliba ama tzükong, yim aser kiyong telemsa nung agütsütsü, ta ketdangsertemi sangdong ka ajanga metetdaktsü.
District Welfare Officer, Mokokchung, Wb. Bendangkokba-i ashiba agi, Mokokchung kübok Old Age pur 7200, amitsür 4700 aser matamabensar/shi nung tangar memeneper nisung 139 tajangzük angutsü.