Amguri & Titabor ajanga mesenzütsüla

Dimapur, Feb.25 (TYO) : Bodbar nikongdang Mariani anasa aliba Hoolungri Tea Estate ta ajaba süngo lu nung alir par pongo Nagaland tsütsü Changdang nunger lushi nung süng kua alidang nisung kari azük ta angazüker.
Iba tatalokba sülen Brehostibar anepdang 10:30 ako shi nung Mariani nung nisung 500 shi adenshia lenmang nokdanga yur Naga nunger shinga moudaktsüi timtem agüja liasü. Parnok jagi par nisungtem dak azükertemji aputsüla aser yirua alirtem nemji temenok agütsütsüla ta takangba agüja liasü.
Iba osang angazüka, Nagaland nungi Border Magistrate, dobashis aser police-tem lendong atalokba tesemi ogo aser tatalokba osang tejangja parnok nungi angashitsü ataya liasü.
Iba tatalokba dak sendakba nung longkak aiter nübortem dang Jorhat District Administration-i anogo 10 nü tsüngda Nagaland police den ajururepa tim teinyaktsü inyaktsü nangzüka lir.
Anungji, iba tensa mapang ya tajungba maküm tashi Naga nungertem Mariani aser Titabar ajanga mesenzü tajungba asütsü ta sorkar osang ka ajanga metetdaktsüogo.