Küm 3 tsüngda nung mitkar tayimtsü 20 tsükok: Parrikar

New Delhi, July 24 (Agencies) : Taoba küm asem tsüngda nung India nunger raradang amshiba tayimtsü 20 tashi tsüoka raksaogo, item rongnungji Indian Air Force (IAF) meyong frontline Sukhois 3 densema tsükok.
IAF nisung ana aser nüburtema aika item lendong nung yirutsüogo ta Defence Minister, Manohar Parrikar-i tanü Lok Sabha senden nung tezüluba ka nung langzüa metetdaktsüdang ashi.
2014-15 küm reprangdangra iba küm nungjisa timba tsüok aser item rongnungji Sukhoi ka, MiGs 4 aser Jaguars ana liasü ta kasa zülu nungjisa metetdaktsü.
2013-14 nung raraba tayimtsü trok tsüok, item rongnungji MiGs 5 aser Jaguar ka. 2012-13 nung Sukhoi ka aser MiGs o Jaguar na kaka ta tsüok. “Item tatalokba ajakji tayimtsü gol majungba den nisungi aibelena liasü” ta Parrikar-isa metetdaktsü
Ano, paisa ashiba agi item tayimtsü 20 tsüokba ajanga sorkar nem takoksa bener arutsüogo aser tayimtsü aser ocettsüset raksaba jenjangji sen crore 386 shi takoksa liasü. Item den sendakba nung nüburtem asüba nung sen 4.43 lakh indokogo ta Parrikar-sa shisem.