Dimapur, February 26 (TYO) : Kohima Press Club (KPC) nungi teshimtet telok ka tanü Mokokchung semdangi aru aser parnoki Mokokchung Press Club (MPC) züngsemtem den ajurutepa senden ka amen.
Mokokchung circuit house indang conference hall nung MPC tir Limalenden Longkumer-i MPC tenüng nung KPC tir Xavir Rutsa lenisüba kübok KPC züngsemtem pelashishia agizük aser iba mapang tejak shiyutepba mapang liasü.
Iba mapang Kohima Press Club indang inyakyim, tesüiba otsü aser maparen lemsatep aser MPC tir Limalenden-ia Mokokchung Press Club indang osang metetdaktsü.
MPC-i ainertem asoshi Chuchuyimpang nung aliba Metsupen Resort nung dinner ka ayongzüka agi. Iba resort indang kiburji taoba MCCI tir aser tang teinyakdak NPF Mokokchung division president Moasangba Jamir lir.
Honibarnü KPC teloki Mokokchung deputy commissioner aser tanga ketdangsertem den ajurutepa sensaksem mapang alitsü.
KPC-i Mokokchung semdangi aruba atema MPC-i parnok dang pelaba metetdaktsü aser MPC-isa Metsupen Resort kibur Moasangba Jamir dang pelaba shisem.
Kohima Press Club-i Mokokchung Press Club den sensaksem added by nungsang on
View all posts by nungsang →
You must be logged in to post a comment Login