Bangladesh Ato Kilonseri terenlok inyakyim atema tesem kar lapoktsü

Dhaka, February 28 (Agencies): Deobarnü Bangladesh Ato Kilonser Sheikh Hasina-i linük nung terenlok tsütsü inyakyim atema tesem 10 talila lapoktsüogo.
Bangladesh China Friendship Conference Centre ta ajaba tesem Bangabandhu International Conference Centre (BICC), Dhaka nung Hasina-i terenlok mapa inyaktsü asoshi tesemtem lapoktsü.
Tesüiba mapang Bangladesh Finance Minister A.M.A. Muhith-i, “Küm 15 tsüngda nung linük nung ‘economic zones’ 100 shi amenoktsü, ibaji ajanga export nung sen billion dollar 40 tali renloktsü aser mapa malir nisung million 10 mapa angutsü,” ta metetdakja liasü.
“Tesem shia nung ‘economic zones’ tem lapoktsüba ajanga nüburtem mapa angutsü aser kechisarena yanglutetba tsütsü terenlok adoktsü,” ta pai budget senden nung ashi.
Bangladesh nung tang aliba economic zones temji, sorkar meyong 37 aser nija meyong 10 lir.
Bangladesh Export Processing Zones Authority ya Ato Kilonser kübok lir aser iba tentet ya 1980 küm parliament act kübok tenzükba lir.